Ṭawngṭai Ni 2022-K4

Seventh-day Adventist Kohhran

 

Ṭawngṭài Program

October 01, 2022

VANTIRHKOH PATHUM THUCHAHTE HMANGA ṬAWNGṬÀIIN

Hruaitu tana Kaihhruaina

 

Welcome – Hawh U, I Ṭawngṭài Ho Ang U

Kuartar tina khawvèl pum huapa Pathian miten Ṭawngṭài Urhsũn Nî an hmannaah hian lo tel ve ngei turin kan sawm che u a. Harsatna in hmachhawn mek chu eng anga buaithlak pawh ni se, chung ai chuan Pathian chu a la ropui zawk cheu a nia!

Kan hunte hi channa leh lungngaihnaa a khah lai hian, Ani chuan kan suangtuah phak bak beiseina min hlui a ni:

“Chutichuan, zahngaihna kan hmuh theihna tur leh, puih kan ngaih huna ṭanpuina khawngaihna kan hmuh theihna turin, khawngaihna lalṭhutphah chu huai takin i hnaih ang u,” (Hebrai 4:16).

Kan khawvèl dinhmun chiang lo takah hian, Ani chuan chhanna min pek A tiam a ni:

“Mi au la, ka chhâng ang che, thil ropui leh inthup i hriat ngai loh chu ka entir ang che,” (Jeremia 33:3).

Ringtu, hun kal tawh ngaihtuaha inchhir, hmalam hun atâna hlauhna neite hi, Ani chuan heti hian min sawm ṭheuh a ni:

“Nangni thawk rim leh phurrit phur zawng zawngte u, ka hnenah lo kal ula, keiman ka chawlhtir ang che u,” (Matthaia 11:28) tiin.

Hmangaihnaa khat kan Pa vana mi hriat loha ṭawngṭàina thamral pakhat mah a awm lo; A miten an dil veleh a malsawmna min vur turin Ani chuan min nghak reng zawk a ni. In kohhran member te, ṭhian te leh ṭhenawm khawvengte sawm khawm a, Pathian finna zawngin, A thutiam tawp nei lote chu in ta pualah lo chhâl hram teh u!

 

2022-a Kan Thupui: Vantirhkoh Pathum Thuchahte Hmanga Ṭawngṭàiin

Kumin (2022) tun kuartar Ṭawngṭài Urhsũn Nî-a kan thupui hian, a hun nena inhmeh tak, Thupuan 14:6-12, “Vantirhkoh Pathum Thuchahte” chu min luh chilhpui dawn a. Pathian Lehkhathu hmanga ṭawngṭàina hian pawimawhna tak a nei a, Pathian chuan A Thu hmangin, tlang takin thu A sawi theih phah dawn a ni.

Vantirhkoh Pathum Thuchahte hian Seventh-day Adventist (Kohhran) nihna pawimawh tak a keng tel a ni tih chu in lo hre tawh ngei ang. Ṭhenkhat phei chuan en lo pawhin in sawi chhuak thei hial mai thei a ni! Chutih laiin, Adventist (Kohhran) member tam tak chuan heng thuchahte pawimawh chhan chu an sawi thiam lo ni mai lovin, an hre meuh lo zawk a ni. Chhandamna thu huam zau tak, khawi laiah hian nge vantirhkoh pathumte chu bel tur ni ang le? Engtin nge Pathian hmangaihna chungchâng an sawi? Engtin nge keima nunah nghawng a neih a, engtin nge khawvèl hnenah ka hriattir ve theih tak ang le?

Ṭawngṭài Urhsũn Nî (program) kaih­hruaina hi chik taka Pathian thu zir nâna ruahman chu a ni lo nàin, tum nei rana ṭawngṭài leh, khawvèl hnèna Pathian thuchah hnuhnúng, hlu tak chu thùk zawka hriatthiamna in neih phah ngei kan beisei a ni.

Mi Tinte—Naupangte leh Upa Chenin—Sawm Vek Ang Che

Kum kal tate lama hman dan nen a danglam deuh tih in hre nghal mai ang a, hei hi kum inthlau tak takte paw’n huap zo vek tura duan a nih tak vang a ni. Mi chi hrang hrang: Naupang te, nu leh pa te, ṭhalai te leh kum upa lam te, zawnglai leh nupa tuakte chena ṭawngṭài tlang dial dial turin kan infuih a; anni hi an dam chhûng zawnga Kristian lo ni tawh leh, thil eng emaw tak zawngtute vek an ni. Nangni ang rûalte dinhmun rem turin in her rem dâwn nia.

Ṭawngṭàia tih dan phung tam tak hi chu, naupangte leh ṭhalai lo tel vete nen a inrem thei viau dawn a. He Ṭawngṭài Urhsũn Nî hi an theihna mil leh nũam tihzâwng mila chètpui atân sâwm ngei bawk ang che u.

Ṭawngṭài Nî Hruaitû Tâna Hmangchângte

·   Kuartar tina Sabbath hmasa ber hi Ṭawngṭài Urhsũn Nî atâna ruahman a ni a. Hèng hmanruate hi Ṭawngṭài hun dang atân emaw, ṭhalai pâwl ṭawngṭài ho nânte pawh hman theih a ni.

·   Kumin hian Ṭawngṭài Urhsũn Nî-a tihtũrte hi kum inrual lote tân pawha ṭawngṭài hun hman ho theih nana ruahman a ni a. Chuvangin kum inrual lote pawh lo tel vek turin sawm ngei ang che. Naupang te, ṭhalai te, kum upa lam te, zawnglai te leh pawmlai neite pawh an tih awm tawk chanvo siamsak ṭheuh ni teh se.

·   Ṭha in tihzawng a nih chuan, ṭawngṭài inkhawm bul ṭan nan, inkhawm hote leh in hnam sukthlek mil zâwng hla sak ho emaw, rimawi awmze nei tak tum emaw hmangin bul ṭan ang che u. Kumin hi chuan Ṭawngṭài Ni hman dan tur hi mi tin huap zo tura duan a nih angin, hlate pawh mi tin huap zo thei ang ber tur ngaihtuah làwk ula. Rimawi tum emaw, hla hruai tur emawin, ṭhalai te, emaw chhûngkua emawte pawh sawm ni se a ṭha ang e.

·   Inkhawm hote chu mi tinin an zawm ve theih nân tawi fel taka ṭawngṭài ṭhin turin fuih ang che.

·   He Ṭawngṭài Urhsũn Nî kaihhruaina hian inkhawm chhawng nga atân tih tur hetiang hian rawtna a keng tel nghal a:

Session 1: Zirtawp zing inkhawm kohhran sikulah emaw, ṭhalai inkhawm emaw, remchang dang emaw pawh.

Session 2: Zirtawp zan chhûng inkhawm. (Chhungkaw hung deuh emaw, member tlem deuh emaw pawh a ni thei. Chhungkaw member tlem deuh tan, ṭhiante leh chhûng tlem dangte leh pâwn lam mite emaw pawh in chenna hmuna inkhawm puiah in sâwm dâwn nia.)

Session 3: Sabbath zing mimal inhlanna. (He hun bik hi chu Isua nen chauha hmang dun turin inveng ṭha tlat ula. Naupang tete in neih chuan thil nuam leh hlimawm lam in tihpui dâwn nia.)

Session 4: Sabbath chawhma, (Thiang­hlimna Inkhawm) biak ina inkhawm ho.

Session 5: Sabbath chawhnu, biak inah emaw, remchang dangah emaw ṭawngṭài inkhawm neih ho.

·   A Duh Tân: Sabbath chawhnu inkhawm Session 5-na neih hnuin, puitling leh ṭhalai lamte nena inkhawm hun rei deuh zawk neih chhunzawm in duh mai thei e. Chutiang atân chuan A Huhova Ṭawngṭài Kaihhruaina in hmang dâwn nia.

Ruahman Lawk Dan Tlangpui

·   In Kohhran Upa/pastor leh church board hnenah kuartar tina Sabbath hmasa bera Ṭawngṭài Urhsũn Nî lo thleng thin chungchang chu hma tawk taka hriattir lawkin, sawipui ang che.

·   Chawlhkar eng emaw zat a la awm tihin Ṭawngṭài Ni lo thleng tura program neih dan tur tlangpui lo puan lawk/tar chhuah thin ni teh se. Kumin program hi chu mi nawlpui tel remchan theihna , duan a ni tih pawh mipuiten hre teh se.

·   Ṭawngṭài Urhsũn Nî-ah hian kohhran member bak ṭhiante ṭheuh pawh min telpui tura sawm turin kohhran member-te chu fuih phur la. Tun hun nena inhmeh Pathian hmangaihna thuchahte hi mi tin tân a ni si a!

·   Chawlhkar eng emaw zat a la awm laiin he ni program hi chhu chhuakin, darh zau thei ang berin lo sem lawk ang che u. A la dawng remchang vg lote chu he hun hman ni-ah hian sem ṭheuh ni bawk teh se.

·   Session 1, Session 4, leh Session 5 hman dan tur lo chhut chhuah lawk ni se. Kaihruaitu tur pawh lo inruat lawk diam ni teh se.

·   Chawlhkar hnih emaw, thum emaw a la awm tihin Session 2 leh Session 3 tih turte chhut chhuah lawka member-te hnena sem chhuah lawk ni teh se. Zirtawp zan inkhawm (Session 2) leh Sabbath zing inkhawm (Session 3) chungchang chu kohhran thupuanah emaw, hriattirna tar chhuahnaa tar emaw ni se. Kohhran member zawng zawngte chu kim taka lo tel ṭheuh tura fuih phur ni teh se. A theih phei chuan tunlai thiamna hmanga bawhzui ni bawk se.

·   Sabbath chawhnu inkhawm hnua hun rei deuh zawk ṭawngṭài hona neih chhunzawm zai in rel dawn a nih chuan, A Huhova Ṭawngṭài Kaihhruaina chhu chhuakin, kaihruaitu tur pawh in ruahman lawk diam dâwn nia.

Note: Chhut chhuah a buaithlak thei a, a duh apiangte daih tur copy Mizo Conference lama chah lawk ṭhin hi a finthlak ang.

·   Session hrang hrang kaihruaitu turte chuan thil tih turte uluk taka lo en lawkin, thil lak khawm lawk ngaite pawh lo inrinlawk diam ni se, chutiang atân chuan Thlarau Thianghlim hruaina dila ṭawngṭài lawk ni ngei teh se.

·   A ṭul dan azirin Ṭawngṭài Nî hmanraw dang pawh chhû la:

(Hruaitu pual) Welcome leh program ruahman lawkna,

Ṭawngṭài hlawhtlinna tur thutiamte leh thil dangte pawh.

Chakkhai Dangte

·   Revival and Reformation website. Check under the Prayer tab for excellent prayer ministry ideas. Find all Day of Prayer resources for 2022 and previous years: https://www.revivalandreformation.org/resources/all/prayer-and-fasting-days.

·   Praying for Rain. This downloadable booklet is filled with inspiring quotes and guidelines for leading united prayer: https://www.revivalandreformation.org/resources/all/praying-for-rain.

·   Experiencing God Through Prayer and Praise. This downloadable packet includes fantastic resources for both personal and group prayer. Print individual topics or the entire packet.

https://www.revivalandreformation.org/prayer/experiencinggod.

·   ThreeAngels.info. If you want to learn more about God’s end time mcssi\ges of love, the Seventh-day Advcntist Church has created this new site filled with articles, videos, books and more: https://www.threeangels.info.

Unless otherwise noted, Scripture is quoted from the New King James Version, copyright © 1982 by Thomas Nelson Inc., Publishers. Used by permission.

Scriptures marked NASB are quoted from the New American Standard Bible, copyright © 1960, 1962, 1963, 1968, 1971, 1972, 1973, 1975, 1977, 1995 by The Lockman Foundation. Used by permission.

Scriptures marked NIV are quoted from the Holy Bible, NEW INTERNATIONAL VERSION, copyright © 1973, 1978, 1984, 2011 by Biblica, Inc. Used by permission. All rights reserved worldwide.

Day of Prayer materials are prepared for church group and individual use by the Ministerial Association of the General Conference of Seventh-day Adventists in coordination with the Revival and Reformation Committee.

Principal Contributor: Pastor Don MacLafferty. Learn more about his disciple-making ministry and find downloadable books and ministry materials here: https://indiscipleship.org.

Sawm I Ni: Kum 2022-a Kuartar Tin Ṭawngṭài Nî-ah Lo Tel Ve Rawh!

Khawvèl pum huapa ringtuten kuartar tina Ṭawngṭài Urhsũn Nî an hmannaah hian lo tel ve ngei turin kan sawm a che.

·   Kumin hi chuan tun hun nena inhmeh tak Thupuan 14-a Vantirhkoh Pathum Thuchahte hmangin kan ṭawngṭài dawn a ni.

·   In kohhranin he Ṭawngṭài Urhsũn Nî hi kuartar tinin in lo hmang tawh ṭhin a nih chuan, tel ve ngei turin ruahmanna siam la, i ṭhiante pawh telpui tur che uin sawm ve ang che u. A nih loh vek leh, kumin Ṭawngṭài Urhsũn Nîa tel ve in duh thu chu in Kohhran Upa/pastor leh church board hnenah thlen ang che u. A remchan dan angin, chhûngkua te, Pawl tlem te leh, mahni emaw pawhin in hmang thei bawk ang.

·   English thiam tân chuan Day of Prayer materials leh hmanraw ṭangkai dangte pawh, Revival and Reformation website: https://www.revivalandreformation.org-ah luhchilh ni teh se.

·   Hèng ṭawngṭài huna tih turte hi mi nawlpui tel remchan theihna tura ruahman a ni a. Mi tin— naupang aṭanga kum upate chenin, ṭawngṭài tlang ṭheuh turin kan induhsakin, kan infuih a. I la tel ve ngai meuh lo a nih pawhin, tun hi i tana hun remchang chu a ni e!

I harsatna chu lian hle mah se, kan Pathian chu a lian zawk. Chãnna leh lungchhiatnaa khah kumah pawh, suangtuah phak bak beiseina min hlui a: “Hawh u, zahngaihna kan hmuh theihna tur leh, puih kan ngaih huna ṭanpuina khawngaihna kan hmuh theihna turin, khawngaihna lalṭhutphah chu huai takin i hnaih ang u,” (Heb. 4:16). Hawh u, kumin chu i ṭawngṭài ho teh ang u!

Eng Vanga Vantirhkoh Pathum Thuchahte Hmanga Ṭawngṭài Tur Nge Ni?

Thupuan 14:6-12-a Vantirhkoh Pathum Thuchah hi in vawng tawh pawh a ni mai thei e. Hèng hi khawvèl tana ‘Pathian hmangaihna thuchah hnuhnung’ a ni a; chutih laiin, Kristian mi tam zawkte chuan heng changte pawimawhzia an hre der si lo hi chu a pawi ngawt mai!

·   Chhandamna thu huam zau tak khawi laiah hian nge vantirhkoh pathumte chu bel tur ni ang le?

·   Engtin nge Pathian hmangaihna chungchang an sawi?

·   Engtin nge keima nunah nghawng a neih a, engtin nge khawvèl hnenah ka hriattir ve theih tak ang le?

Pathian Lehkhathu hmanga ṭawngṭàina hian hian pawimawhna tak neiin, Pathian chuan A Thu hmangin, tlang takin thu A sawi theih phah dawn a ni. Kum 2022 kuartar tina Ṭawngṭài Urhsũn Nî hian tum nei rana ṭawngṭài tur leh, thuk leh chik lehzual zawka A hrilh lawkna thuchah hlu takte zir tura a chawhphur ngei che u kan beisei!

Thuchahten Eng Nge Min Hrilh Chiah?

A hmasain Bible lehlin tha pangngai takah Thupuan 14:6-12 chhiar phawt ang u. Pawn lam lan dan bak awmze ril zawk a neih avangih rilru pawh a buai deuh a ni mai thei e. Engtin nge a awmzia kan hriat theih tak ang? Thupuan bu thu manthiam tur chuan nasa taka ṭawngṭàina nen Bible pum pui kan zir a ngai dawn a. In pastor/kohhran upa emaw chu Thupuan zirhom seminar huaihawt ulrin ngen ula; tichuan Bible hi mahni leh mahni inhrilh fiahtir in phal thei ang. Hetah hian tluangtlam taka bul ṭan theih dan tur a awm e:

Vantirhkoh 1: He rorelna hunah hian Isua chu Chhandamtu leh Siamtu a nihna angin chibaibuk rawh.

Vantirhkoh 2: A Thu ziaka awm hmangin Isua zui la, bumin awm suh.

Vantirhkoh 3: Duhthlan tur i nei: Krista a nih loh leh Setana zui. I Felna a nih angin Krista ring rawh!

Vantirhkoh Pathumna Thuchah Hmanga Ṭawngṭài: Session 1

Hun:        Zirtawp zing inkhawm kohhran sikulah emaw, ṭhalai inkh&wm emaw, remchang dang emaw pawh.

Thupui:   Chhelna/Dawhtheihna

Inpawh

·   Ding kual tlang Ṭhap ula.

·   An nuna dawhtheihna/chhelna flahna an tawh changa an awm dan lemchan tawi tea hmang turin mi inpe eng emaw zat sawm ang che u. Entir nan: Restaurant-a in ch’awlh tuma in thil order an pe mai lo che u emaw, in order loh thil an rawn hlui zawk mauh mai che u!

·   Zawh tur: Engati nge kan dawhtheihna/chhelna kan hloh thin? (Eng emaw chang chuan, min enkawl tur leh harsatna kan neih changa Isua kan rinchhan tak loh avangin dawhtheihna/chhelna chu kan hloh chawk!)

·   Thupuan 14:12-ah, Tawpna hun, Isua lo kal leh dawna A mite nihna chungchang Pathianin a sawi a. Chung A mite chu tute nge an nih hmuhchhuah tum ila, an nuntawng chu kan nuntawng a nih ve theih nân i ṭawngṭài ang u!!

Ṭawngṭài

·   Pathian Thu min zirtir leh ṭanpui turin ṭanpuitu— Thlarau Thianghlim rawn tir turin Pathian hnenah dil ang che u.

Hmuchhuak Rawh

·   Chhiar rual tur: Thupuan 14:12 – “Mi thianghlim, Pathian thupek awihtute leh Isua zuitu rinawmte tân hetah hian chhel a ṭulzia a lang.”

·   Zawh tur: Pathian mite chungchang sawina thumal pawimawh tak kan ngaihtuah tlang dawn a. Chu chu eng nge ni le? (‘Dawhthei’ emaw ‘chhel/beidawng duh lo’ emaw a ni.)

·   Zawh tur: Pathian hi a chhel/dawhthei em? Chhiar rual tur: 2 Petera 3:9— “Mi ṭhenkhatin muanga an ruat angin Lalpa chu a thutiam kawngah chuan a muang lo ve; tu ma boral duh lova, mi zawng zawng lo sim duhin, nangmahni lamah a dawhthei a ni zawk e.” 1 Timothea 1:16— “Nimahsela he mi avarig hian a ni, zahngaihna ka hmuh ni, Isua Krista chuan mi sual ber keimahah hian a dawhtheihzia zawng zawng a lantir theih nan; tun achina chatuana nunna hmu tura amah la ring turte kawhhmuhna turin.”

·   Isuan eng ang dawhtheihna nge a neih? (duhthusam ang thlap)

Ṭawngṭài

·   Mi pathum/pali ṭawngṭài ho ula: Nangmahni chunga Pathian dawhtheihna bikte avangin lawmthu sawi ang che u.

Hla sak

·   Zai ho tur: Pathian ṭhatzia lam hla pakhat.

Atakin

·   Mi tin chu lehkhapuan pe la. Nangmahni ṭanpui tura Pathian dawhtheihna in mamawh mekna dinhmun ang ṭheuh chu a lem ziak turin sawm ang che u. Entir nan, I nau hmeichhe naupang téin eng emawah ṭanpui a ngai lai.

Ṭawngṭài

·   Pathian dawhtheihna chin nei lo hmanga mal min sawm turin dil ang che u.

Vantirhkoh Pathumna Thuchah Hmanga Ṭawngṭài: Session 2

Hun:        Zirtawp zan chhûng inkhawm emaw, ṭhiante nen emawa ina/pawna inkhawmna neih ho

Thupui:   Pathianin dawhtheihna min pe

Inpawh

·   In chhûngkua emaw a huho emawin ṭhu kual ula. A hming tarlang si lovin an thei tui tihzawng chungchang chu sawitir ṭheuh ula. Chu chu eng thei nge in inrinsiak dâwn nia. An rin dik hunah chuan, eng vanga tui ti nge an nih in sawitir dâwn nia.

·   Sawifiahna: Kan za hian kan nunah—rah eng emaw bik tak kan chhuah ṭheuh tih Pathianin a sawi.

·   Ni tina kan thinlunga rah kan chhuah tur chu eng nge ni tih kan hriat theih nân i ṭawngṭài ang u.

Ṭawngṭài

·   Rah tlo tur chungchang min zirtira Thlarau Thianghlim rawn tir turin Pathian hnenah dil ang che u.

Hmuchhuak Rawh

·   Chhiar rual tur: Thupuan 14:12— “Mi thianghlim, Pathian thupek awihtute leh Isua zuitu rinawmte tân hetah hian chhel a ṭulzia a lang.”

·   Zawh tur: He changah hian, ni hnuhnunga A miten an neih tur Pathian in a sawi pawimawh ber chu eng nge ni? (i Bible lehlin azirin ‘dawhtheihna’ emaw ‘chhelna’ emaw)

·   Zawh tur: Engtin nge ‘dawhtheihna/ chhelna’ kan neih belh theih ang? Kan beih nasat lehzual a ngai em? Chher puitling tura nasa lehzuala kan beih a ngai ang em?

·   Chhiar rual tur: Galatia 5:22, 23— “Thlarau rah erawh chu hmangaihna te, hlimna te, remna te, Dawhtheihna te, ngilneihna te, ṭhatna te, rinawmna te, thuhnuai rawlhna te, insumtheihna te a ni zawk e; chutiang kalhzawngin dan thupek reng a awm lo ve.”

·   Zawh tur: Eng thil nge Thlarau Thianghlimin Pathian mite-ah A neihtir thin? Chhinchhiah tur, dawhtheihna/ chhelna hi Thlarau Thianghlim rahchhuahte zinga pakhat a ni.

·   A theih chuan, Thlarau rah entir nân thei chi hrang hrang pakua emaw chu kho-ah khung khawm la, thlarau rah chi hrang hrang te hming kha lehkha thema ziakin in char zel dâwn nia.

·   Zawh tur: Engtin nge ‘dawhtheihna/ chhelna’ kan neih theih ang? Chhiar rual tur: Luka 11:13— Chutichuan nangni mi sual mahin in fate thil ṭha pek nachang in hriat chuan, in Pa vana mi chuan a diltute chu Thlarau Thianghlim a va pe dawn em!” (Thlarau Thianghlim dil ila, Ani chuan keimahniah dawhtheihna/ chhelna min neihtir ang.)

Atakin

·   Chhungkaw member tinte chhang turin sawm ula: Keima nun khawilaiah hian nge tunah tak hian Pathian dawhtheihna ka neih a ngaih?

Hla sak

·   Hla sak ho tur: “He’s Able” emaw, nangmahni ṭanpui tur Pathian thiltihtheihna tarlang thei lam hla eng pawh.

Ṭawngṭài

·   Vantirhkoh Pathumna Thuchah-ah, A miten chhelna an nei tih Pathianin a sawi. Ama chhelna chu kan zaa hnena Thlarau Thianghlimin min pekna turin i dil ang u.

Vantirhkoh Pathumna Thuchah Hmanga Ṭawngṭài: Session 3

Hun:        Sabbath zing mimal inhlanna/chhung inkhawm

Thupui:   Pathian Miten A Thupekte An Vawng

Inpawh

·   Zawh tur: In nu leh pate nun ze ṭha lam engte nge in chhawm?

Entirna: hriselna ṭha, kut themthiamna, rimawi tum thiamna, ṭhian siam thiamna leh thil dangte. In chhûngte nena Pathian biakna (hun serh) hmang ho in nih chuan, in chhanna chu in inhrilh tlang dâwn nia.

·   Kan nu leh pate nunzia kan chhawm hmangin miten min hre deuh tlangpui ṭhin.

·   Tawpna huna Pathian mite nunze pawimawh hmuhchhuah i’n tum dawn teh ang u.

Ṭawngṭài

·   A Thu min zirtir tura Thlarau Thianghlim rawn tir turin Pathian hnenah ṭawngṭài ang che u.

Hmuchhuak Rawh

Chhiar rual tur: Thupuan 14:12— “Mi thianghlim, Pathian thupek awihtute leh Isua zuitu rinawmte tân hetah hian chhel a ṭulzia a lang.”

·   Pathian mite chungchang a sawi pahnihna chu eng nge ni? (Pathian thupekte an vawng. Hetah hian ni-sarihna Sabbath serh pawh a tel.)

·   Chhiar tur: “Sakawlh leh a lim nihphung bik ni bawk chu ‘Pathian thupekte bawhchhiat’ a ni” (Ellen G. White, Indona Ropui, p. 446).

·   Pathian mite chu A thupekte zawmtute an ni a, sakawlh hnungzuitute erawh chuan Pathian thupekte an pawisa ve lo.

·   Chhiar tur: “Thutak chungchanga inhnial fung ber a nih avangin, Sabbath hi rinawmna fiahna ropui tak a ni dawn a ni.” (Ellen G. White, Indona Ropui, p. 605).

·   Chhiar tur: Filipi 4:13— “Mi tichaktuah chuan engkim ka ti thei a ni.” Pathianin ti tura min ngen tak zawng zawngte tih theihna thuruk chu eng nge ni? (KRISTA leh A CHAKNA zarah a ni.)

·   Isua Krista, thupekte ṭobul chu, he leia A lo chen laia thupekte vawngtu tho kha a ni. A khawngaihna leh thiltihtheihna chu, Pathian mite tân rinawm taka thuawih theihna Hnar a ni reng:

·   “Genesis 39:7-13 — Josefan Potifara nupui a hnar a

·   “Ruthi 1:15-19 — Ruth-in Pathian dik zui turin hnam dang pathiante a kalsan a.

·   “1 Lalte 19:19-21 — Elisha’n Elija hnung a zui phah a

·   “Luka l:31-38 — Marin Messia enkawl turin a inpek phah bawk

Ṭawngṭài

·   Ama thuawih tura Pathianin A mite A tihchak ṭhin avangin lawmthu sawina ṭawngṭài hlan ang che u.

·   Hèng thawnthute hian Pathian rinawmna chungchang an puan chhuah avangin Amah chu fak ang che u.

·   Thu in awih theih nana in Chakna ni tura mimal taka Isua Krista in mamawhna chu puang chhuak ang che u.

·   Filipi 1:6 thu: “Nangmahnia thil ṭha ti Ṭantu khan Isua Krista ni thlengin a tifamkim zel dawn, chu ngei chu ka ring tlat si a,” tih hi nangmahnia ataka a thlen famkimtir turin Pathian ngen ang che u.

Atakin

·   Tunah tak hian nangma nunah, Pathian thupekte aṭanga inhnuh hniamna eng emaw a awm em? Krista hnena intulut hmiah a, Ama chakna rinchhan lurin duhthlanna siam ang che.

Vantirhkoh Pathumna Thuchah Hmanga Ṭawngṭài: Session 4

Hun:        Sabbath chawhma (Thianghlimna) Inkhawm

Thupui:   Isua Rinna Vawng Zelin

Ruahman Lawkna: In kohhran upa/ pastor nena inberawn tlang chungin inkhawm kalhmang tur ruahman ula. In inkhawm dan pangngaia thil pawimawhte: inlawmna te, ṭanna ṭawngṭài leh thawhlawm khawn/hlan chu tel ngei tur a ni ang. Mipui zai ho a tam zawk theih nân solo/special music ang chi chu telh loh ni mai se la; ṭhalai leh naupang lamten Pathian an fak tlan theihna tur lam in uar deuh zawk dâwn nia. Ṭawngṭài mawlh kha thupui bera in neih reng theih nan, inkhawma tih ṭhin dangte pawh nuai liam deuh in duh mai thei e. Bible chhiar te, hla eng emaw zat sak ho te leh, naupang lam chanvo siamsak ang chite pawh, he inkhawmah hian tih tel ngei tur chi a ni ang.

Ṭawngṭài Urhsũn Nî lo thlen hmain, ṭawngṭài huna lehkha sem turte lo buatsaih lawk diam ni se la. Chu bakah, ṭhalaite leh member dangte tân ring taka Bible chang chhiar rual turte lo ruahman lawk ni bawk se. He inkhawm hi a hma lama ding chhuak hruaitu zinga pakhatin ‘kaihruai’ se la, thil kalhmangte inkawhhmuhin, puan lawk ngai apiang puan lawk ni teh se. A tui dan anga tlawmngaia ṭanpui theitu turte (volunteers) chu a hma lama lo ṭhu chhuakin, Bible chang chhiar, hla hruai leh ṭul dang dang an tihpui thei dâwn nia.

Hla sak

·   Isua hmangaihna lam hla eng emaw zat sa ho ula. Naupang pual pakhat, ṭhalai pual pakhat leh puitling pual pakhat in thlang dâwn nia.

Ṭawngṭài

·   Thlarau Thianghlim chenchilhnaa in inkhawmna malsawmsak tura ṭawngṭàina tawi hlan turin naupang pakhat, ṭhalai pakhat leh puitling pakhat in sawm dâwn nia.

Inpawh

·   Mi hmingthang hming tarlante hi en ula. Hèng hmingte hi lehkhaphek hlai takah ziak chhuak ula. (Hming ṭhenkhat hi in chenna lamah an lar ve vak lo a nih chuan mi hmingthang dangte hminga thlak theih a ni tih in hre dâwn nia.)

·   Inkhawm hote chu mi pathum/pali te tein inṭhen darh ula. Tu mah lo inkiltawih bikte an awm loh nân tlawmngaia lo kilkawitu tur in inruat lawk diam dâwn nia.

·   Inkhawm hoten an chhiar theih tura hmingte lek chhuak turin ṭhalai in lo ruat lawk diam dâwn nia.

·   Hming hrang hrangte in entir zawh hnuah, an hmingte chhiar lehin, an chanchin tawi in inhrilh bawk dâwn nia.

·   Mi pathum/palia pawl insiamte hnenah sawi ho turin sawm la: Mahni nuna entawn atâna in duh tur mi hmingthang chanchin chu sawi zau ula. Entir nan: “‘Sojourner Truth’ anga mi huaisen nih ka duh” tiin.

o “Sojourner Truth- chu bawih lo ni tawh ṭhin, bawih chhuahna tur leh hmeichhiate dikna chanvo humhalhtu hmingthang tak lo ni ta a ni.

o “Albert Einstein— khawel scientist (physicist) ropui

o “Florence Nightingale - Tunlai Nursing hmuchhuaktu

o “Hicham El Guerrouj—Khawvèla tlan chak ber (as of 2021)

o “Frank Westphal—Brazil rama Adventist missionary hmasa ber

o King Solomon—Israel lal fing ber

·   Sawifiah: Mihringte hi hausak vang te, thiltihtheih vang te, nungchang vang te, fin vang te, hmelṭhat vang te, thilṭha tih leh thil dang vang pawhin an hmingthang viau thei a ni.

·   Zawh tur: He hming “Isua” tih i hriatin, eng nungchang zia nge in rilruah lo lang nghal ṭhin le?

·   Sawifiah: Vawiin hian Isua leh ni hnuhnunga A mite nungchang zia chu hmuh chhuah kan tum dawn a ni.

Hmuchhuak Rawh

·   Ring taka chhiar tur: Thupuan 14:12— “Mi thianghlim, Pathian thupek awihtute leh Isua zuitu rinawmte tân hetah hian chhel a ṭulzia a lang.”

Zawh tur: He Bible changin a tarlan tawpna huna Pathian mite nungchang zia chu eng nge ni?

(Tawpna huna Pathian miten “Isua rinna” an nei.)

·   Zawh tur: Pathian Thu ziak aṭangin ‘Isua rinna’ chungchang eng nge hriat kan neih?

Ring taka chhiar tur: Marka 4:35-41— “Chu mi ni vekah chuan khua a lo tlai lamin, ani chuan an hnenah, ‘Ral lehlamah sawn i kai ang u,’ a ti a Tichuan, mipuite chu kalsanin, amah chu a awm pangngai ang chuan lawngah chuan an kalpui ta nghal a. Lawng dangte pawh a hnenah a awm a. Thlipui nasa tak a lo tleh a, tuifawnte chu lawngah chuan a lo fawn hit hlup hlup a, chutichuan lawng chu a lo khat dawn ta mai a. Ani chu lukham chu khama muhilin, lawng mei lamah chuan a awm a. An kaitho va, a hnenah chuan, ‘Zirtirtu, kan boral hi pawi i ti lo vem ni?’ an ti a. Ani chu a lo harh a, thli chu a hau va, dil hnenah pawh chuan, ‘Ngawi la, awm hle hle rawh!’ a ti a. Thli chu a bang a, a lo reh ta thup mai a. Ani chuan an hnenah, ‘Engati nge chuti ema in hlauh ni le? Rinna reng in la nei lo a ni maw?’ a ti a. An hlau ta em em a, ‘He mi hi tunge ni le, thli leh dil lam pawhin a thu an awih hi?’ an inti hlawm a.”

(Isua khan A Pa enkawlna rinchhan hmiahin, thlipui nuai lawnglengah pawh thlamuang takin a muhil thei a ni.)

·   Hla sak ho tur: “Lalpa Kan Lungpui Kan Himna” (AH No. 311) emaw Pathian enkawl leh venhimna hla dang pawh.

·   Mi pathum/pali te tea insiama ṭawngṭài: Isuan kan Pa vana mi chunga rinna A nghah hmiah zara thlipui tin renga kan him avangin lawmthu sawina ṭawngṭàina hlan ang che u.

·   Hla sak ho: “I Rinawmna Ropui” (AH No. 36) emaw, Pathian rinawmna tarlang thei hla dang pawh.

·   Ring taka chhiar tur: Marka 5:1-8— “Dil ral, Gerasin mite ram chu an lo thleng a. Lawng ata a chhuah hnu chuan mi pakhat, ramhuai bawlhhlawh pai, thlan alanga lo chhuakin a rawn tawk ta nghal a; chu ml chuan thlanahte chuan awmna a nei thin a, tu mahin khaidiat pawhin an phuar thei tawh lo va; kawlte leh khaidiatte pawhin an phuar fo tawh si a; ni mahse 1 a khaidiatte chu a pawt chat a, kawlte pawh chu a tisawm thir a: tu mahin an tidawl zo hek lo. A chhun a zanin thlanahte leh tlangahte chuan a au a au ṭhin a, lungte pawhin a inzai fo ṭhin Hla tak aṭangin Isua chu a hmuh veleh a tlan a, chibai a va buk a; aw ring taka auvin, ‘Isu, Pathian chungnungbera Fapa, kei leh nang eng nge kan inzawlna awm? Mi nghaisa lul lo turin Pathian hmingin ka ngen chiam a che.” a ti a. Isua chuan a hnenah, “Nang ramhuai bawlhhlawhpa, mihring chhûng ata hi chhuak rawh” a lo ti tawh si a.”

Sawifiah: Isuan kan Pa vana mi chunga rinna chak tak a neih avangin mi dang tu mahin an hnaih ngam loh ramhuai-zawl hmachhawn pawh A hlau lo.

·   Mi pathum/pali zela insiamin ṭawngṭài ula. Pathian rinawmna eng emaw bik tak avangin Amah chu fak ang che u.

·   Sawifiah: Heti zawnga ngaihtuah turin thlemna kan tawk pawh a ni mai thei e: Kei hi Isua ka ni lo va, chuvangin Ani neih ang rinna engtin nge ka neih ve theih ang ni? Engtin nge thlipui nuai khawvèlah thlamuang taka ka mut siai siai theih tehlul ang ni? Keimah min dodal tura Setanan heng thil: hrileng te, eizawnna hna chan te, hmangaihte thihsan nihte hi engtin nge ka hmachhawn theih ang ni? Engtin nge Pathian rinchhanna bansan lo va rinna chu ka neih theih ang?”

·   Mi pathum/pali te tea insiama ṭawngṭài: Hun kal taa rinna kan tlakchham chunga thupha chawiin, Krista kan mamawhzia inpuan.

·   Hla sak ho tur: “Ni Tinin Ka Ngai Che” (AH No. 281) emaw, Krista chu kan mamawh ber a ni tih tarlang thei hla dang pawh.

·   Mi pathum/pali te tea insiama chhiar rual tur: Kolosa 1:27— “Chung mite hnenah chuan hnam tin tana a thuruk ropui leh hlu tak chu Pathianin hriattir a duh reng a ni; chu thuruk chu, Krista nangmahnia awm ropuina beisei chhan chu a ni.” He changa “Isua rinna” nei tura thuruk min hrilhtu thumal pathum chu hmuchhuak teh u.

·   Zawh tur: Thuruk chu eng nge ni? ‘Krista Nangmahnia awm’ chu a ni!

Bible-in ‘Krista Nangmahnia awm’ chu “Ropuina beisei chhan” chu a ni tih a sawi a nih chu!

·   Ring taka chhiar tur: “Kawngkhar bula dingin Ka kik hi. Tu pawhin Ka aw hria a, kawng a hawn chuan, a hnenah Ka lut ang a, a hnenah zanriah Ka ei ang a, ani pawhin Ka hnenah a ei ve ang,” (Thupuan 3:20).

·   Mi pathum/pali te tea insiama ṭawngṭài: Krista chu Chhandamtu atâna i lo pawm tawh chuan, rinnaa i thinlunga A lo nun mek avangin lawmthu sawi ang che. A hmaa la pawm lo i nih erawh chuan, tunah hian i thinlunga chentir turin sawm nghal ang che.

·   Hla sak ho tur: “Live Out Thy Life Within Me” chang khatna emaw, mahni inhlanna hla remchang dang pawh.

Atakin

·   Member tin hnenah thil ziahna tur lehkha them leh pencil/pen sem ṭheuh ula. Anmahni lem ṭheuh chu ziak turin in sawm dâwn nia. Mahni hmingbul hawrawp hmangin chhinchhiah zel ula, thinlung zawnah thinlung lem belin, a chhûngah chuan ‘Isua’ tiin in ziak bawk dâwn nia.

·   Sawifiah: Eng emaw changte chuan khawiah nge Isua A chen tih kan theihnghilh ṭhin a. Ani chu in thinlung chhûngah A cheng ṭhin. Chutah chuan lo lutin, Ama rinna leh A felna chu A pe ṭhin che u a ni!

·   Milem chu mipui hnenah entir ula, a nih loh leh mi zawng zawng hmuh theih turin biak in kawngka bulah in tar chhuak dâwn nia.

Hla sak

·   Hla sak ho tur: “Live Out Thy Life Within Me,” chang thum la awm zawngte emaw, mahni inhlanna hla remchang dang pawh.

Ṭawngṭài

·   Kan thinlung chhûnga lo chenga Ama rinna min petu Isua, Mi Rinawm avangin Pathian hnenah lawmthu sawi ang che u.

Vantirhkoh Pathumna Thuchah Hmanga Ṭawngṭài: Session 5

Hun:        Sabbath chawhnu ṭawngṭài program

Thupui:   Isuaa Famkim!

Hla sak

·   Isua chungchang tarlang thei hla: Naupang pual pakhat, ṭhalaite pual pakhat leh puitling lam pual pakhat sa ho ang che u.

Ṭawngṭài

·    A mite thinlunga cheng turin Thlarau Thianghlim chu thiltihtheihna nena rawn tir turin Pathian sawm rawh.

Inpawh

·   Mi pathum/pali zelin pawlah insiam ula-Nangmahni nuna famkim lo—tlakbalna lai eng emaw deuh riauva in inhriat lai chungchang sawi ang che u.

Entir nan: Tunah cake siam/ur in tum a, mahse chakkhai pawimawh tak a kim lo tlat mai.

·   Sawifiahna: Cake kan ur dawn emaw, car kan siam that dawn emaw changte’n kan thil mamawh tak kha neih loh chang kan nei a. Eng emaw chang chuan chutiang tithiam lo riauva inngaih changte pawh kan nei thei bawk.

·   Vantirhkoh Pathum Thuchahte hian ṭawngṭài tur leh Krista felna dawng turin min ko va. Keini hi Ama zara FAMKIM kan ni!!

Ṭawngṭài

·   Kan thinlung chhûng ril taka Vantirhkoh Pathum Thuchah thupui hi phun ngheha a awm theih nân Thlarau Thianghlim dilin i ṭawngṭài ang u. Keini hi Amaha FAMKIM kan ni!!

Hmuchhuak Rawh

(He mi section kaihruai tur hian mi pahnih: Pakhat chu thu chhiar tur leh, pakhat dang chu thu khaikhawm tura inruat ni teh se.)

·   Hruaitu 1: Vawiin chawhnu hian Vantirhkoh Pathum Thuchahte hmangin ṭawngṭàina kan hian dawn a, chuta thu pawimawh zual laite chu lo tarlang hmasa ta ila. Thuchah tinte hian kan Felna, Isua chungchang eng nge min hrilh ṭheuh le?

Vantirhkoh Pakhatna Thuchah

·    Hruaitu 2: Thupuan 14:6, 7-a Vantirhkoh Pakhatna Thuchah hmang khan bul lo tân ta ila, thuchah chu i lo chhiar ang u. “Leia awmte hnenah leh hnam tin reng te, chi tin reng te, ṭawng tin reng te, mi tin reng te hnena tlangaupui tura chatuana Chanchin Tha nei vantirhkoh dang vanlaizawla thlawk ka hmu a; ani chuan aw ring takin, ‘A rorel hun chu a lo thlen tak avangin Pathian chu hlau ula, chawimawi rawh u; van te, lei te, tuifinriat te, tuihna te Siamtu chu chibai buk rawh u,’ a ti a.”

·   Hruaitu 1:  He thuchah pakhatna thlarau lam thupui chu engte nge ni ang? (Ngaih dan hrang hrangte sawitir hnuah, chung chu khaikhawm ang che.)

·   “Chatuan Chanchin Ṭha chu kan Pa khawngaihna zara Isua Kristaa chhandamna chu a ni.

·   “Krista chu kan Felna a ni a, Ani chu he rorelna huna kan tana min dinsaktu chu a ni.

·   “Isua, min Siamtu chu chibaibuknaa kan thupui ber tur chu a ni!

·   Mi pathum/palia insiama ṭawngṭài: Kristaa chhandamna leh felna kan hmuha chungah Pathian hnenah lawmthu sawi ang che u.

·   Hla sak ho tur: “Jesus Paid It All” emaw, chhandamna fakna lam hla dang pawh.

Vantirhkoh Pahnihna Thuchah

·   Hruaitu 2:  A dawtah chuan Thupuan 14:8-a Vantirhkoh Pahnihna Thuchah i lo chhiar ang u: “Vantirhkoh dang a pahnihna chuan, ‘Babulon khaw ropui, a mi ngaih chin vanga thinurna uain hnam zawng zawng intirtu chu a tlawm ta, a tlawm ta,’ tiin a rawn zui a.”

·   Hruaitu 1: He vantirhkoh pahnihna thuchah laipui chu eng nge ni?

(Ngaih dan hrang hrangte sawitir hnuah, chung chu khaikhawm ang che.)

o  “Pathianah buaina a awm ve lo: Pa Pathian, Fapa Pathian leh Thlarau Thianghlim Pathian chu pumkhat an ni.

o  “Chibaibukna kalhmang suak chu a tlawm thuai tawh dawn a, Kan Felna, Isua erawh chu chatuanin a ding reng dawn!

·   Mi pathum/palia insiama ṭawngṭài: Pathian chung nung reng leh danglam ngai lo a nih avangin fak ang che u. Thil dangte an tlawm laia Isua erawh chu chatuana ding reng tur a nih avangin Isua chu fak ang che u!

·   Hla sak ho tur: “Aw Lal Pathian” (AH No 24) emaw, Pathian ropuizia tarlang thei hla dang emaw pawh.

Vantirhkoh Pathumna Thuchah

·   Hruaitu 2: A hnuhnung ber atân, Thupuan 14:9-12-21 Vantirhkoh Pathumna Thuchah i lo chhiar ang u: “Vantirhkoh dang a pathumna chuan aw ring takin, ‘Tu pawhin Sakawlh leh a lem chibai bukin, an chalah emaw an kutah emaw chhinchhiahna an neih chuan, chu mite ngei chuan Pathian thinurna uain, a thinurna nova eng mah pawlh lova siam chu an in ang a, vantirhkoh thianghlimte mithmuh leh Beram No mithmuhah chuan mei leh kata nghaisakin an awm bawk ang. Chung mite nghaisakna meikhu chu chatuanin a chho vang a; sakawlh leh a lem chibai buktute, a hming chhinchhiahna nei apiangte pawh chuan a chhun a zanin chawlh reng an nei lo vang,’ tiin anni chu a rawn zui a. Mi thianghlim, Pathian thupek awihtute leh Isua zuitu rinawmte tân hetah hian chhel a ṭulzia a lang,’ a ti a.”

·   Hruaitu 1: Vantirhkoh pathumna thuchah laipui chu eng nge ni??

(Ngaih dan hrang hrangte sawitir hnuah, chung chu khaikhawm ang che.)

o  “Isuan a engtopui em avangin chibaibukna suak lakah khawvèl hnenah vaulawkna thu A pe a ni!

o  “Isua, Sabbath Lalpa chuan Ama felnaa chawlhna chu zawng hmu turin min ko a ni.

o  “Isuan keimahni Ama mite min chhinchhiah nân Sabbath min pe a ni.

o  “Isua chu rinnain keimahniah a lo cheng a. Ani chu kan tân famkimna leh felna a ni.

·   Ngawi renga ṭawngṭàina hlan turin mi tinte sawm ula. Krista chu Hmasa Ber leh Tha Bera in neihna daltu apiangte chu inpuang ang che u.

·   Hla sak ho tur: “Lalber Khumtir Rawh U” (AH No. 112) tih chang khatna emaw, chibaibukna hla remchang dang pawh.

Atakin

·   Ngenna: Krista tana nung tura duhthianna siamin, Ani chu in tân Chhandamtu leh Lalber Mifel a nihna angin a hnenah intulut ang che u. “Crown Him with Many Crowns” tih hla chang hnuhnung pathum kan sak lai hian Lalberte Lalber Isua chawimawi nana ṭhingṭhi turin kan insawm a ni e.

·   Ṭhingṭhi chungin “Lalber Khumtir Rawh U” (AH No. 112) tih hla chang hnuhnung pathum in sa dâwn nia.

Ṭawngṭài

·   Chatuan chatuan thleng pawha kan Felna ni zel tur, Isua chawimawi leh chibaibuk zel rura nun inhlanna ṭawngṭài hlan ang che u.

Naupang leh Ṭhalai Tana Hman Thlak Theih

·   Vantirhkoh Pathum Thuchahte pual ṭheuha poster siam turin thawk tlang ula. An chanchin tha thuchah puan entir thei tur milem pawh in hmang dâwn nia. An poster siamte chu hrilh fiah turin ṭhalaite sawm ula, chumi hnuah chuan biak in hmun remchang laiah in tar dâwn nia.

A Huhova Ṭawngṭài Kaihhruaina

Tun kuartar Ṭawngṭài Urhsũn Nî-a A Huhova Ṭawngṭài Kaihhruainain a tum pakhat chu chhuan tharte ṭawngṭài tura koh a ni. Chutiang a nih avang chuan naupang aṭanga upa lamte thlengin Vantirhkoh Pathum Thuchah hmanga ṭawngṭài Hang tura tih dan hmang min kawhhmuh a. Chuvang chuan tlema la naupang deuh leh ṭhalaite pawh tel ve vek tura tih ni se la, kan zinga thutak zawngtute pawh ngaihngam taka teltir ni teh se. Mi tinte chu sawm ṭheuh an ni si a!

Puitling leh ṭhalai lamte tân phei chuan a huhova ṭawngṭài hun boruak duhawm tak chang tlang ṭheuh turin kan infuih a. Sabbath chawhnu lama (Session 5) mi tin huap zo ṭawngṭài ho hun neih bak pawh, hun hman manhla tak neih zui dan tur ngaihtuah ang che u. Chutianga hun neih belh nana remchang thei tur chu Zirtawpni tlai/zan emaw, Sabbath tuka Sabbath Sikul inkhawm neih hma pawh a remchang thei awm e.

A Huhova Ṭawngṭài Inkhawm Kalhmang Tlangpui

Hla Sak: Fakna hla hmangin bul ṭan ula. Ṭawngṭài hun chhûng hian a kar lakah hla zep zel tura zalenna nei in ni tih hria ang che u.

Lawmthu Sawi leh Fakna: Pathian malsawmna in dawn eng emaw bik tak avang leh, A thatna avangin Amah chu fak ang che u.

Inpuanna: Mahni sualte ngawi renga inpuan nân hun rei lo te hmangin, chutah Pathian ngaihdamna chungah lawmthu sawi nghal ang che u.

Kaihhruaina: Tuna chona awmte hmachhawn leh thutlukna dik siam tura finna chu Pathian hnenah dil ang che u.

Kan Kohhran: In tualchhung kohhran, bial leh khawvèl pum huapa kohhran hmalakna malsawmsak turin Pathian hnenah dil ang che u.

Tualchhung Ngennate: In chhûngkua te, kohhran leh ṭhenawm vela chengte mamawh dilin ṭawngṭài ang che u.

Ngaihthlak leh Chhan Let: Pathian aw ngaithla a, fakna emaw, hla emaw hmanga chhan let nân hun hmang ang che u.

Bible Thu Hmanga Ṭawngṭài: Pathian hnena kan mamawh leh dilnate thlen bakah, Pathian Thu hmanga ṭawngṭài nân hun in hmang bawk dâwn nia. Pathian thutiamte ataka thlentir dilin, fakna leh lawmthu sawina hmangin in chhang let dâwn nia. In pawl chuan Vantirhkoh Pathum Thuchah hmanga dilna thlen in duh mai thei a, khawvèl hnena thutak puang chhuak tura hriatthiamna thuk zawk leh, finna pe turin che uin Pathian in ngen dâwn nia. Tih dan dang pakhat chu, fakna hla (Sam) hmanga ṭawngṭài rual a ni.

A Duh Tân Chàw: Kohhran ṭhenkhat chuan he Ṭawngṭài Urhsũn Nî hi zanriah tuihnai hmangin an khar thin a. Chutiangah chuan sa tel lo ruai, ei tur tuihnai, mi hip tak siin an siam deuh chawk.

Ṭawngṭàia inpumkhatna atâna kaihhruaina belhchhah nan, Revival and Reformation website-a Praying for Rain tih lehkhabu té download rawh: https://www.revivalandreformation.org/resources/all/praying-for-rain.

ṬAWNGṬÀIA DIL TUR BIBLE THUTIAMTE

Thlarau Thianghlim Chungchanga Thutiamte

“Ruah hnuhnung hunah hian Lalpa chu ruah dil rawh u, Lalpa, kawl tiphetu ngei chu; Anin lova hlobet tinrengte tân Ruahpui van-awn a surtir ang.” Zakaria 10:1.

“‘Chutichuan nangni mi sual mahin in fate thil ṭha pek nachang in hriat chuan, in Pa vana mi chuan a diltute chu Thlarau Thianghlim a va pe dawn em!’ a ti a!” Luka 11:13.

“Thlamuantu, Thlarau Thianghlim, Pain ka hminga a rawn tirh tur khan, chu mi chuan engkim a zirtir ang che u a, in hnena ka sawi zawng zawng a hriat chhuahtir leh ang che u… Ani chu a lo thlen chuan, sual thu-ah te, fel thu-ah te, rorel thu-ah te khawvèl an thiam loh a hriattir ang.” Johana 14:26; 16:8.

“Tih tak meuhvin, tih tak meuhvin ka hrilh a che u, tu pawh mi ring chuan thil ka tihte hi ani pawhin a ti ve ang; heng aia thil ropui pawh hi a la ti ang, Pa hnenah ka kal dawn avangin. Ka hmingin engpawh in dil apiang chu ka ti zel ang, Pa, Fapa avanga chawimawia a awm theih nan. Nangnin ka hmingin eng pawh mi dil chuan chu chu ka ti zel ang.” Johana 14:12-14.

“ ‘Chakna ni lovin, thiltihtheihna ni hek lovin, ka thlarau zawkin le,’ sipaihote Lalpain a ti.” Zakaria 4:6.

Pathianin Ṭawngṭàina A Chhang Dawn Tih Thutiamte

“Nangni keimaha in awm reng a, ka thu nangmahnia a awm reng bawk chuan in duh apiang dil rawh u, in tân tihin a awm zel ang.” Johana 15:7.

“Chutichuan, zahngaihna kan hmuh theihna tur leh, puih kan ngaih huna ṭanpuina khawngaihna kan hmuh theihna turin, khawngaihna lalṭhutphah chu huai takin i hnaih ang u.” Hebrai 4:16.

“Chuvangin ka ti a che u, engkim in ṭawngṭàia in dil apiang chu hmu tawhah inngai ula, tichuan in hmu ang.” Marka 11:24.

“Mangan ni-ah chuan mi ko la; Ka chhanhim ang che, tichuan nangin mi chawimawi dâwn nia.” Sam 50:15.

“Tih tak meuhvin ka hrilh leh a che u, lei chungah hian in zinga mi pahnih, an thil dil kawnga an thurual chuan, ka Pa vana mi tihsakin an awm ang.” Matthaia 18:19.

“ ‘Engkim ring chunga ṭawngṭàia in dil apiang chu in hmu ang,’ a ti a.” Matthaia 21:22.

“Ka hmingin eng pawh in dil apiang chu ka ti zel ang, Pa, Fapa avanga chawimawia a awm theih nan. Nangnin ka hmingin engpawh mi dil chuan, chu chu ka ti zel ang.” Johana 14:13, 14.

“ Chu mi ni-ah chuan nangnin engmah kei mi zawt lo vang. Tih tak meuhvin, tih tak meuhvin ka hrilh a che u, Pa hnenah eng pawh in dil chuan, keima hmingin a pe ang che u. Tun thlengin ka hmingin engmah in la dil lo; dil rawh u, tichuan in hmu ang, in lawm a kimna turin.” Johana 16:23, 24.

“Hei hi Ama chunga kan huaina chu a ni, engpawh a duhzawng anga kan dil chuan Anin min ngaihthlaksak ṭhin hi; tichuan engpawh kan dil apiang min ngaihthlak­sak tih kan hriat chuan, A hnena kan thil dila chu kan hmu tawh tih kan hria a ni.” 1 Johana 5:14, 15.

Pathian Thiltihtheihna Chungchang Thutiamte

“Lalpa tân thil réng réng a harsa lutuk em ni?” Genesis 18:14.

“Lalpan a dosak ang che u a, nangni chu in awm hle hle mai ang.” Exodus 14:14.

“Chu chu mihring tân tih rual a ni lo, Pathian tân erawh chu tih rual loh a ni lo; Pathian nen engkim tih theih a ni si a.” Marka 10:27.

“A kotu che u chu a rinawm a, tih pawh a ti bawk ang.” 1 Thesalonika 5:24.

“Engkim i ti thei tih ka hria e, I tum dal rual eng mah a awm lo.” Joba 42:2.

“Chung thu-ah chuan eng nge kan sawi ang le? Pathian kan lama A ṭan chuan tuin nge min do thei ang? Ama Fapa ngei pawh zuah lova, kan zaa aia petu chuan thil zawng zawng pawh a thlawnin min pe tel lo vang em ni?” Rom 8:31, 32.

“Pathian chu dawt hmang mihring mai a ni lo, lamlet hmang hringfa a ni hek lo. A sawi tawh chu a ti lo vang em ni? A lo sawi tawh chu a tipuitling lo vang em ni?” Nambar 23:19.

“In rilruin in hre ngai lo vem ni? In bengin in hre ngai lo vem ni? Kumkhaw Pathian, Lalpa, Kawlkil Siamtu chu, a chau ngai lo va, a hah ngai hek lohzia hi; a hriat thiamzia chu zawn chhuah rual a ni lo. Chau hnenahte chuan thiltihtheihna a pe ṭhin a; chakna reng nei lote chu a tichak ṭhin. Tleirawlte meuh pawh an chauvin an hah ang a, tlangvalte pawh an tlu der ang. Lalpa nghaktute erawh chuan an chakna chu an siam ṭha leh ang a; mupuite angin thlain an thlawk chho vang a; hah lovin an tlan ang a; chau lovin kein an kal ang.” Isaia 40:28-31.

Pathian Kaihhruaina Thutiamte

“ ‘Thu ka pe che a ni lo’m ni? Chak tak leh huai takin awm rawh; hlau suh la, zam hek suh: Lalpa i Pathian chu i kalna apiangah, i hnenah a awm zel dawn a lawm,’ tiin a sawi a.” Joshua 1:9. “Ngai teh, i hnenah ka awm a, i kalna apiangah ka veng zel ang chea, he ramah hian ka hruai kir leh ang che; i hnena ka sawi hi ka tih hma loh chuan ka thlahthlam dawn lo che a ni,’ a ti a.” Genesis 28:15.

“Ngai teh, kawnga veng zel tur che leh, hmun ka buatsaihah chuan hruai lut tur chein, i hmaah vantirhkoh ka rawn tir dawn e.” Exodus 23:20.

“Nimahsela chutah pawh chuan Lalpa in Pathian chu in zawn a, in thinlung zawng zawng leh in rilru zawng zawnga in zawn chuan in hmu leh ang.” Deuteronomi 4:29.

“Mi au la, ka chhang ang che, thil ropui leh inthup i hriat ngai loh chu ka entir ang che.” Jeremia 33:3.

“Kawr tin tihsan a ni vek ang a, tlang tin mual tin tihhniam a ni bawk ang; kawng kawite tihngil a ni ang a, a bum boh laite tihrual a ni bawk ang, Lalpa ropuina chu tihlan a ni ang a, mi zawng zawngin chu chu an hmu tlang dial ang; Lalpâ kâ chùan a sawi tawh si a,’ a ti.” Isaia 40:4, 5.

“Fing taka awmtir chein, i kalna tur kawng chu ka entir ang che a, ka mita en reng chung chein rem ka ruatsak zel ang che.” Sam 32:8.

“ ‘I hmahruaitu chu Lalpa a ni ang a, i hnenah a awm zel ang a, a tithlawn lo vang che a, kal pawh a kalsan tawp lo vang che; hlau suh la, zam hek suh,’ a ti a.” Deuteronomi 31:8.

“Lalpa ṭih mi chu tu nge ni? Chu mi chu a kawng thlan tur chu a la entir ang.” Sam 25:12.

“I thinlung zawng zawngin Lalpa ring la, nangma hriatnaah innghat suh; i kawng zawng zawngah Amah hre reng la, i kawngte chu a kawhhmuh zel ang che.” Thufingte 3:5, 6.

“Rilṭamte tân i inphal a, tihretheihte i tihtlai bawk chuan, i éng chu thim zingah a éng chhuak ang a, i thim mupna chu chhun ang a ni tawh ang; Lalpa chuan a hruai fo vang che a, hmun rovah pawh a titlai ang che a, i ruhte pawh a tichak bawk ang; huan tuia chawm ang leh, tuihna kang ngai lo ang i ni tawh ang.” Isaia 58:10, 11.

“ ‘Chinghnia leh beram no chu an tla dun tawh ang a, sakeibaknei chuan bawngpa angin buhpawl a ei tawh ang; vaivut chu rûl chaw a ni ang. Ka tlang thianghlim reng rengah chuan an tina tawh lo vang a, an tichhe tawh hek lo vang,’ Lalpan a ti.” Isaia 65:24.

Thinlung Thlakna Tura Pathian Thutiamte

“Lalpa ka ni tih mi hriat nân thinlung ka pe ang; ka mite an ni ang a, an Pathian ka ni ang: an thinlung zawng zawng nen ka hnenah an lo kir dawn si a.” Jeremia 24:7.

“In nun theihna tura Lalpa in Pathian chu in thinlung zawng zawng leh, in rilru zawng zawnga in hmangaih theihna turin, Lalpa in Pathianin in thinlung leh in thlahte thinlung a tansak ang che u.” Deuteronomi 30:6.

“Thinlung thar ka pe ang che u a, in chhûngah thlarau thar ka dah ang: in tisa ata thinlung, lung anga sak chu ka la bo vang a, thinlung, tìsà anga nêm ka pe zawk ang che u.” Ezekiela 36:26.

“Nangmahnia thil ṭha ti ṭantu khan, Isua Krista ni thlengin a tifamkim zel dawn, chu ngei chu ka ring tlat si a.” Filipi 1:6.

“Chu mi avang chuan tu pawh Kristaa a awm chuan thil siam thar a lo ni a; thil hluite chu a ral ta a; ngai teh u, a lo thar ta.” 2 Korin 5:17.

“Krista hnenah khenbehin ka awm ta; nimahsela ka nung a ni; keimah erawh chu ka ni tawh lo. Krista chu keimahah a nung zawk a ni; tunah tisaa ka nung hi rinnaa nung ka ni—Pathian Fapa, mi hmangaiha ka Aia inpetu rinnaah chuan.” Galatia 2:20.

“Remna Pathian ngei chuan in pumin tithianghlim che u rawh se; in thlarau leh, in rilru leh, in taksa chu, kan Lalpa Isua Krista lo kal hunah chuan, sawisel bovin apuma humhimin awm rawh se. A kotu che u chu a rinawm a, tih pawh a ti bawk ang.” 1 Thesalonika 5:23, 24.

Pathian Ngaihdamna Thutiamte

“Ka hming pu ka mite chuan in­ngai­tlawma an ṭawngṭài a, min zawn a, an awm dan sualte an hawisan chuan, van aṭangin ka lo ngaithla ang a, an sualte ka ngaidam ang a, an ram chu ka tidam leh ang.” 2 Chronicles 7:14.

“Lalpa, nang chu i ṭha a, ngaihdam i peih a, A kotu apiang che chungah ngilneihna i ngah si ṭhin a.” Sam 86:5.

“ ‘Ṭawngṭàia in din hun apiangin tu chungah pawh thupawi eng emaw in neih chuan ngaidam rawh u; in Pa vana mi pawhin in bawhchhiatnate chu a ngaihdam theihna tur che uin,’ a ti a, a chhang a.” Marka 11:25.

“Inkhawngaih tawna lainatna neiin awm ula, Pathianin Kristaa a ngaidam che u ang bawkin, inngaidam tawn rawh u.” Efesi 4:32.

“Kan sualte thuphâ kan chawi chuan, kan sualte ngaidam tur leh, kan fel lohna zawng zawng tleng fai turin Amah chu a rinawmin a fel a ni.” 1 Johana 1:9.

“Lalpa chuan, ‘Hawh teh u, i ngaihtuah tlâng teh ang u! In sualte chu sen lár angin awm tawh mah sela, vûr angin a vâr ang; sen duk angin sen tawh mah sela, beram hmul angin a awm ang,’ a ti a.” Isaia 1:18.

“Kei, keimah ngei hi, keimah leh keimah avang ngawta in bawhchhiatnate thai bo ṭhintu chu ka ni; in sualnate pawh ka hre reng lo vang.” Isaia 43:25.

“Hei hi Lalpa thu chhuak a ni: an bawhchhiatna chu ka ngaidam ang a, an sualna pawh ka hre reng dawn tawh si lo,’ tiin.” Jeremia 31:34.

“A thisen avangin amahah chuan kan tlanna kan nei a ni—a khawngaihna ngahzia ang zela kan bawhchhiatnate ngaihdamna chu.” Efesi 1:7.

Sual Hnehna Tur Thutiamte

“Pathian hrin tawh phawt chuan khawvèl a ngam zel si a; hei hi a ni, khawvèl hneha ngamna chu, kan rinna hi.” 1 Johana 5:4.

“Ṭhen suh e, chung zawng zawngah chuan min hmangaihtu avang chuan, ropui taka ngamtu kan ni.” Rom 8:37.

“Nimahsela kan Lalpa Isua Krista zara hnehna min Petu, Pathian hnenah chuan lawmthu awm rawh se.” 1 Korin 15:57.

“Hlau suh u, kei in hnenah ka awm si a; mangang suh u, kei in Pathian ka ni si a: ka tichak ang che u a; a ni, ka ṭanpui ang che u; a ni, ka felna kut ding lamin ka chelh reng ang che u.” Isaia 41:10.

“Chung lo pawh chu rinna phaw la ula, chu mi chûan mi sual thal-alh-thei zawng zawng chu in timit thei ang.” Efesi 6:16.

“Krista hnenah khenbehin ka awm ta; nimahsela ka nung a ni; keimah erawh chu ka ni tawh lo. Krista chu keimahah a nung zawk a ni; tunah tìsàa ka nung hi rinnaa nung ka ni—Pathian Fapa, mi hmangaiha ka aia inpetu rinnaah chuan.” Galatia 2:20.

“Amâ lãwmzâwng atâna tih tum tur leh, bei tura nangmahnia thawktu chu Pathian a ni si a.” Filipi 2:13.

“Chutichuan, hei hi ka ti a ni: Thlarauvah awm rawh u, tichuan tìsa chàkna chu in zãwm dâwn lo nia.” Galatia 5:16.

“Remna Pathian chuan in kephah hnuaiah Setana chu a rawn rah perhtir thuai ang che u. Kan Lalpa Isua Krista khawngaihna chu in hnenah awm rawh se.” Rom 16:20.

“He khawvèl dãn ang hian awm suh ula; Pathian duhzâwng, a ṭha leh lawm tlak leh ṭhat famkim chu in hriat fiah theih nan, in rilru a thara awmin lo danglam zawk tawh rawh u.” Rom 12:2.

“Khawvèl hi hmangaih suh ula, khawvèla thil awmte pawh hi hmangaih hek suh u. Mi tu pawhin khawvèl hi a hmangaih chuan Pà a hmangaihna amahah a awm lo.” 1 Johana 2:15.

Pathian Tihdamna Thutiamte

“Lalpa i Pathian àw hi ngun taka i ngaihthlak a, a mithmuha ṭha a tih zawngte i tih a, a thupekte i ngaihsãn a, a thuruat zawng zawngte i pawm chuan, Aigupta mite chunga hri ka lentîr tàk angte kha i chungah réng réng ka lentîr ve lo vang, Lalpa a tidamtu che ka nih hi.” Exodus 15:26.

“I kalhnate chu thir leh dar a ni ang, i dam chhûng ni angin i chakna pawh a awm ang.” Deut. 33:25.

“Aw ka nunna, Lalpa chu fak la, A thiltih ṭhat zawng zawng chu theihnghilh suh u. Ani chuan i khawlohna zawng zawng a ngaidam ṭhin a; i natna zawng zawng a tidam ṭhin a; boralna lak ata i nun chu a tlan ṭhin a; ngilneihna leh lainatnate a khumtir ṭhin che a; i kâ chu thil ṭhain a titlai ṭhin a; chutichuan i tleirãwlna chu mupui anga siam tharin a awm leh ṭhin.” Sam 103:2-5.

“Mahni ngaihin intifing suh la; Lalpa chu ṭih la, sual kalsan rawh. I lai atân hriselna a ni ang a, I ruh atân thlíng a ni ang.” Thufingte 3:7, 8.

“Ani chu mihringte hmusit leh duh lohvin a awm a; lungngaihnate nei mi leh natna hre mi a ni a; miten an hmai an huhsana ang chuan ani chu hmusitin a awm a, keini lah chuan ani chu kan ngai sâng si lo. Ani chuan kan natnate phurin, kan lungngaihnate pawh a phur ngei a; nimahsela keini chuan lungngaihna tlàkbùakah, Pathian vùakah, tihretheihah kan ngai si a. Nimahsela ani chu kan bawhchhiatnate avangin hliamin a awm a, kan khawlohnate avangin vùak thitlinin a awm a, kan thlamuanna tura thununna chu a chungah a tla a; a vùakna vúaltea tihdamin kan awm ta.” Isaia 53:3-5.

“Aw Lalpa, mi tidam la, tichuan ka dam ang a, mi chhanhim la, tichuan ka him ang, ka fak fo ṭhin chu i ni si a.” Jeremia 17:14.

“‘Ka tihrisel leh ang che a, i hliam zawng zawng chu ka tidam ang,’ Lalpa thu chhuak chuan a ti; ‘Hnawhchhuah’ an vuah che a, ‘Tû mâ ngaihsak loh Zion a nih hi,’ an tih che avangin.” Jeremia 30:17.

“Ngai rawh, damna leh hriselna ka rawn thlen ang a, ka tidam ang; muanna leh himna nghet tak ka hmuhtir ang.” Jeremia 33:6.

“Nangni ka hming ṭihtute tân erawh chuan Felna Ni, a thlaa tihdamna nen a lo chhuak ang a. In kal chhuak ang a, bawng note hren lai thaukhawh angin in tual chai ang.” Malakia 4:2.

“In zingah damlo an awm em? Kohhran upa kohtir sela, ani’n Lalpa hminga hriak hnawihin a chungah ṭawngṭài rawh se; rinnaa ṭawngṭàina chuan damlo chu a chhandam ang a, Lalpa chuan ani chu a kai tho vang; thil a lo tihsual tawh chuan ngaihdamsak a ni ang.” Jakoba 5:14, 15.

Pathian Duhzawng Ti Tura Chakna Thutiamte

“Chu mi avangin kan dawl lo va, kan pawn lam mihring hi lo awngrawp telh telh mah sela, kan chhûng lam mihring chu nî tin siam thar zelin a awm zawk a ni. Kan hrehawm nèp tak, tún mit khap kâr chhûng chauhva awm tur hìan ropuina nasa tak chatuan atân min siamsak nasa tulh tulh a ni; thil hmuh theihte hi en lovin, thil hmuh theih lohte chu kan en zawk si a; thil hmuh theihte hi rei lo té atân a ni a, thil hmuh theih lohte erawh chu chatuan atân a ni si a.” 2 Korin 4:16-18.

“Tichuan thil ṭha tih i ning suh ang u; kan inthlahdah loh zawngin a hun takah chuan kan seng dawn si a.” Galatia 6:9.

“Mi tichaktuah chuan engkim ka ti thei a ni.” Filipi 4:13.

“Ama lawmzâwng atâna tih tum tur leh, bei tura nangmahnia thawktu chu Pathian a ni si a.” Filipi 2:13.

“Anì chùan ka hnènah, ‘Ka khawngaihna i tân a tàwk e; ka thiltihtheihna hi chak lohnaah asin tihfamkimin a awm ni,’ a ti ta a. Chutichuan Krista thiltihtheihna chu ka chunga a awm theih nan, lawm em emin ka chak lohnate hi ka chhûang tawh zàwk ang.” 2 Korin 12:9.

Pathian Tana Thuhretua Tan Chungchamga Thutiamte

“Hlau suh ula, ṭih hek suh u; hmasâng khan in hnenah ka sawi tawhin ka hriattir tawh che u a ni lawm ni? Tichuan nangni hi mi hriatpuitute in ni. Keimah lo hi Pathian réng réng an awm em? A ni, Lungpui réng réng a awm lo; pakhat mah a awm ka hre lo.” Isaia 44:8.

“Tho la, éng rawh; i éng chu a lo thleng a, Lalpa ropuina chu i chunga lo chhuah tak hi.” Isaia 60:1.

“Nimahsela, engkim Pathian hnen atá chhùak a ni a; anì chùan Krista avangin amah nen inremin min siam a, inremna rawngbawl hna min pe a.” 2 Korin 5:18.

“Lalpa erawh chuan ka hnenah heti hian a ti a: ‘Ka naupang,’ ti suh, Ka tirhna che apiang hnenah i kal ang a, Thu ka pèk che apiang i sawi tur a ni,’ tiin.” Jeremia 1:7.

“ ‘Nimahsela Thlarau Thianghlim chu in chunga a lo thlen hunah thiltihtheihna in la nei ang; tichuan Jerusalem khuaah te, Judai leh Samari ram khaw tinah te, kawlkil thleng pawhin ka thuhretute in ni ang,’ a ti a.” Tirhkohte 1:8.

‘‘Nimahsela, thim ata chhuaka, a éng mak taka lùt tura kotu che u ṭhatna chu    in entir theih nân nangni zawng chi thlan, lal puithiamho, hnam thianghlim, Pathian mite ngei in ni si a.” 1 Petera 2:9.

“Mahse in thinlungah Lalpa Pathian chu serh hrang ula; nangmahnia awm in beisei chhan zàwt apiang che u chhâng turin inpeih sà fo ang che u, nimahsela thuhnuairawlh tak leh ṭih dêk chungin.” 1 Petera 3:15.

 

GLOW TRACTS

Hèng hi pakhat Rs 1/- zelin order theih a ni e.

    1.   Bible I Rinchhan Thei

    2.   Chhandamna

          3.      Harsatna Tawh Laiin Pathianin Min Ngaihsak Em?

    4.   Hlauhthawnna Khawvèla Thlamuanna

         5.      Hmanlai Hrilhlawknain Hmalam Hun a Tarlang

    6.   Hremhmun Chungchang Thuruk

    7.   Hriselna Kailawnte

    8.   I Tana Thilthlawnpek

    9.   Ka Tawrh Laiin Khawnge Pathian a Awm?

 10.   Khawvèl Chunga Rorelna

 11.   Khawvèl Tawpna

 12.   Lawmna Thilpek

 13.   Leilunga Chhiatnate

 14.   Mi Thite An Ṭawng Thei Em?

 15.   Muanna Thutiamte

 16.   Ngawlvei Bansanin

 17.   Pathian Nena Inbiakna

 18.   Rilru Hriselna Thuruk

 19.   Rinna Fing

 20.   Sabbath-a Inkhawm Kher Chu

 21.   Sakhuana Piah Lam

 22.   Thih Hnua Beiseina

 23.   Tuna Khawvèl Mamawh

 24.   Tunlai Thupek Sawmte

 25.   Vana Indona

 26.   Zalenna A Thih Hunin

Director, SSPM Department, Mizo Conference of SDA

Seventh-day Thing, Aizawl

+91 9436351704/8794934657

Mizo Conference of Seventh-day Adventists

Personal Ministries Department

Pamphlets

Code          Pamphlet Hming            Rate

A  Israel leh Efraim                             5.00

B  Khawngaihna Vek                          1.00

C  Ni Thum leh Zan Thum                  5.00

D  Dãn Bâng leh Bâng Lo                   1.00

E  Thlarau Biakna Setana Hmanrua   1.00

F  Lei Aṭanga Lo Chhuak Sakawlh    1.00

G  Babulon Sualna Chi Sãwm             1.00

H  Tunlai Huna Setana Hmanruate     1.00

I   Trinity (Pathiana Mi Pathumte)     5.00

J   Sabbath & Sunday Thua Zawhna   5.00

K  Sakawlh Nambar 666                     5.00

L  Thuthlung Pahnih                           1.00

M Ṭawng Hriat Loh                            5.00

N  Mihring: Thih Hnu Awmdan          5.00

O  Chhandamna Tluantling                 5.00

P  Baptisma                                         5.00

Q  Sawipuitu Isua                                5.00

R  Ei leh In Chungchâng                     5.00

S  Vantirhkoh Pathum Thuchah         2.00

 

Director

Personal Ministries Department

+91 9436351704/8794934657

 

Published, translated and edited by Malsawma Tochhawng, Prayer Ministries Coordinator, Mizo Conference of Seventh-day Adventists, Letter Box - 097. Aizawl, Mizoram. India- 796 001, on behalf of Prayer Ministries, General Conference of Seventh-day Adventists. Printed by Lalhmangaiha Chhangte at Remnant Press, Aizawl. Copy- 1,500.